Queridas familias:
Durante esta última semana todos estamos abrumados pola situación de angustia, impotencia e rabia que viven as persoas afectadas pola DANA tanto na Comunidade Valenciana como nas rexións de Murcia e Castilla-La Mancha.
A Familia Marista non é allea a esta situación. O Colexio Marista de Algemesí e o Hogar Champagnat de Torrent teñen importantes danos nas súas instalacións ademais de realizar xornadas ininterrompidas de varios días para atender aos menores residentes. Malia asituación, o colexio de Algemesí abriu as súas instalacións deixando o patio para que as unidades militares de emerxencia poidan aparcar e levar a cabo desde alí a xestión operativa da zona ademais de funcionar como almacén de todas as doazóns que se están recibindo desde todos os puntos de España. Neste momento, as instalacións atópanse repletas grazas á solidariedade cidadá e pídenos paralizar, polo de agora, o envío de materiais.
A través da Fundación Marcelino Champagnat e os colexios maristas de Valencia, Cullera, Denia y Algemesí pertencentes á Familia Marista Mediterránea estanse canalizando diversas accións solidarias nestes momentos tan duros. Grupos de educadores, estudantes e outros membros da Familia Marista mobilízanse e acoden como patrullas de voluntarios a axudar en
calquera tarefa que resulte útil: achicar auga, retirar barro e cascallos, prover de alimentos e auga potable, desbloquear rúas, acompañar a nenos e maiores…
Como Familia Marista Global sentímonos unidos e sentimos tamén a necesidade de dar resposta a esta catástrofe humanitaria que temos tan próxima. A solidariedade é un dos
alicerces do noso modelo educativo e por iso, situámonos do lado de quen sofre a dor desta traxedia e nos necesita.
Intentando canalizar da mellor maneira posible a axuda desde todos os puntos da Familia Marista, a Fundación Marcelino Champagnat habilitou un número de conta e
un código BIZUM para atender as necesidades prioritarias provocadas pola DANA. Co desexo de garantir o principio de transparencia e vontade do doante, a Fundación Marcelino Champagnat dará reporte semanal tanto do importe recadado como do destino dos fondos.
Invitámosvos a ser parte desta axuda, uníndonos como Familia Marista para apoiar a quen necesita do noso amparo.
Grazas anticipadas a todos aqueles que colaboredes coas vosas achegas!
Equipo Directivo
