Estimadas familias.
O ano pasado botamos a andar no noso cole o Club de Lectura para adult@s e queremos darlle continuidade á iniciativa. A idea é reunirse despois de ter lido o libro proposto para cada ocasión e pasar un momento agradable mentres afondamos xuntos na comprensión e interpretación da obra. Como hai tantas versións como persoas que len, todos os libros medran cando partillamos puntos de vista.
Este curso, a primeira xuntanza do club será o xoves 24 de outubro, ás 17:00h, na biblioteca. O libro que escollemos para esta data é Los detalles, da autora Ia Genberg (Gatopardo Ediciones). É un libro breve e ameno pero cheo de forza, considerado o mellor libro do ano en Suecia no 2022.
Na biblioteca do cole haberá un exemplar por se algunha persoa precisa recollelo.
Tanto ten se participastes ou non o ano pasado. Tampouco é preciso ser un lector experto! Pero se vos gusta ler e conversar tranquilamente sobre o que ledes, só tedes que anotarvos no seguinte enderezo electrónico:
clubdelectura@maristasvigo.es
Tamén podedes contactar con nós a través do correo se precisades algunha aclaración.
Cun café/té e moita ilusión, agardamos por vós para descubrir xuntos todos os detalles que viven agochados entre as páxinas da autora sueca. Vinde!
