Invitámosvos a participar no Club de Lectura que arrincará o mércores 21 de febreiro ás 17:00. É un proxecto pensado para persoas adultas.
Teremos unha sesión mensual e en cada unha desas sesións conversaremos e afondaremos na lectura dun libro diferente. Non é necesario un compromiso de asistencia, polo que podedes vir a sesións soltas segundo as vosas posibilidades e gustos.
Nesta primeira sesión traballaremos co libro La clase de griego (Editorial Literatura Random House). Na biblioteca do colexio contaremos con dous exemplares de préstamo. É un libro de actualidade que podedes solicitar en calquera libraría. Convén que leades o libro antes de asistir ao club de lectura, co obxectivo de participar, se así o desexades, das conversas que poidan xurdir sobre o texto. Aqueles de vós que esteades interesados en vos reunir arredor desta magnífica novela, podedes confirmar a vosa asistencia no correo biblioteca@maristasvigo.es
Teremos unha segunda sesión o 21 de marzo. Nesa ocasión leremos o libro Non penses nun elefante rosa (Editorial Xerais), novela que tamén podedes atopar traducida ao castelán: No pienses en un elefante rosa (Contraluz Editorial).
Verémonos tamén o 24 de abril e o 23 de maio, e informaremos con antelación das lecturas que faremos nesas sesións.
Agardamos que vos preste esta nova iniciativa do centro.
Vémonos na Biblioteca!
